លោក សុខ សុខារិទ្ធ នាយកគ្រប់គ្រងក្រុមហ៊ុន WIKI TRADE CP.,LTD គឺជាវាគ្មិនពិសេសក្នុងកម្មវិធី AVI Voice ប្រចាំសប្តាហ៍នេះ។ លោកបានចែករំលែកពីបទពិសោធន៍នៃក្រុមហ៊ុនរបស់លោកពាក់ព័ន្ធនឹងការប្រើប្រាស់បច្ចេកវិទ្យាដើម្បីពង្រឹងស្ថាប័ន។ សម្រាប់ក្រុមហ៊ុនលោក បច្ចេកវិទ្យាពិតជាបានជួយសម្រួលដល់ការគ្រប់គ្រងការងារមួយចំនួនធំទាំងការងារការិយាល័យ និងការងារពង្រឹងទីផ្សារ ប៉ុន្តែនៅមិនទាន់ដល់កម្រិតដែលក្រុមហ៊ុនត្រូវការនៅឡើយទេ។ លោកបន្តថាកម្ពុជានៅខ្វះបរិយាបន្ននៃបច្ចេកវិទ្យាដើម្បីបំពាក់ដល់ក្រុមហ៊ុនដែលជាសហគ្រាសខ្នាតតូចនិងមធ្យមដែលមានសមត្ថភាពគ្រប់គ្រងខ្សែសង្វាក់ផលិតកម្មមួយចប់តែម្តង ហើយបើទោះជាមានក៏ត្រូវនាំចូលពីក្រៅប្រទេសដែលមានតម្លៃថ្លៃខ្ពស់ដែលក្រុមហ៊ុនពិបាកក្នុងការចំណាយ។ សូមស្តាប់កិច្ចសម្ភាសន៍ដូចតទៅ៖អ្នកសម្របសម្រួល និងដឹកនាំ៖ ស៊ុន មេសាRead More

នៅសល់តែ ១ ខែទៀតតែប៉ុណ្ណោះ អាមេរិកនឹងបោះឆ្នោតជ្រើសរើសប្រធានាធិបតីថ្មីដើម្បីបន្តដឹកនាំមហាអំណាចផតុលេខមួយនេះ។ ជាការបោះឆ្នោតដែលពិភពលោកចាប់អារម្មណ៍បំផុត។ ដូចនេះវាគ្មិនរបស់យើងគឺលោកបណ្ឌិត ជឺនបូរាណ ចន្ទបូរី អ្នកជំនាញភូមិសាស្ត្រនយោបាយ និងជាទីប្រឹក្សានៃវិទ្យាស្ថានចក្ខុវិស័យអាស៊ី។ លោកនឹងពន្យល់ពីនយោបាយការបរទេសរបស់អាមេរិកចំពោះតំបន់អាស៊ាន។ សម្រាប់អ្នកជំនាញរូបនេះ ៤ឆ្នាំនៃរដ្ឋការ Donald Trump (ឌូណាល់ ត្រាំ) ទំនាក់ទំនងអាមេរិកនិងអាស៊ានមានការធ្លាក់ចុះត្បិតអីប្រធានាធិបតីអាមេរិកបច្ចុប្បន្នមិនសូវឱ្យទម្ងន់និងតម្លៃដល់រដ្ឋតូចៗនៅអាស៊ាន ប៉ុន្តែតានតឹងខ្លាំងក្នុងជម្លោះនៃសមុទ្រចិនខាងត្បូងរវាងអាមេរិកនិងចិន រួមទាំងប្រទេសពាក់ព័ន្ធ។ បើតាមលោកបូរីដដែល បើអាមេរិកនៅក្រោមកណ្តាប់ដៃរបស់ Joe Biden (ជោ បៃឌិន)វិញ រដ្ឋសមាជិកអាស៊ាន និងស្ថានភាពអាស៊ានទាំងមូលតែម្តង អាចកើនភាពតានតឹង ព្រោះតែនយោបាយប្រើស្លាកយីហោ សិទ្ធិមនុស្ស និងប្រជាធិបតេយ្យរបស់អាមេរិកដែលអាចរករឿង និងកកូរកកាយលើស្ថេរភាពប្រទេសនីមួយៗបាន។ ក្នុងនាមជាអ្នកយុទ្ធសាស្ត្រ លោក បៃឌិន នឹងប្រើវិធីសាស្ត្របែបយុទ្ធសាស្ត្រឡោមព័ទ្ធចិនខ្លាំងជាងនិងមានប្រសិទ្ធភាពជាង លោកឌូណាល់ត្រាំ។ សូមស្តាប់កិច្ចសម្ភាសន៍ដូចតទៅ៖វាគ្មិន៖ បណ្ឌិត ជឺនបូរាណ ចន្ទបូរី អ្នកជំនាញភូមិសាស្ត្រនយោបាយ និងជាទីប្រឹក្សានៃវិទ្យាស្ថានចក្ខុវិស័យអាស៊ីអ្នកសម្របសម្រួល និងដឹកនាំ៖ ស៊ុន មេសាRead More

ក្រុមហ៊ុនរបស់កូនខ្មែរមួយដែលមានឈ្មោះថាWiki Trade បានផលិតក្បឿងស្រកាលេញយីហោ K-Rock។ ក្បឿងថ្មីនេះប្រើឈ្មោះដើមរបស់ខ្មែរដដែលថាស្រកាលេញ ប៉ុន្តែបានដាក់បញ្ចូលគំនិតថ្មីដើម្បីដោះស្រាយលើបញ្ហាសំណង់ផ្នែកប្រក់ដូចជាការពារទឹកសាចចូល ចំនួនធំជាងរហូតដល់៦ដង ចំណេញជាង និងជាប់ធន់មិនតិចជាង១០ឆ្នាំឡើយ។ បើតាមការបញ្ជាក់ពីថ្នាក់គ្រប់គ្រងនៃក្រុមហ៊ុនក្រោយការស្រាកស្រាននៃជំងឺរាតត្បាតកូវីដ ក្រុមហ៊ុននឹងផ្តើមនាំចេញទៅបណ្តាប្រទេសអាស៊ានស្របនឹងការទទួលបានកម្មសិទ្ធិបញ្ញារួចរាល់ហើយដែរឆ្នាំ២០២០នេះ។ សូមស្តាប់កិច្ចសម្ភាសន៍ជាមួយ លោក សុខ សុខារិទ្ធ នាយកគ្រប់គ្រងក្រុមហ៊ុន Wiki Trade៕ ដឹកនាំនិងផលិតដោយ៖ ស៊ុន មេសាRead More

កិច្ចប្រជុំរដ្ឋមន្ត្រីការបរទេសអាស៊ាន៖ ចិនផ្តល់ទម្ងន់លើបញ្ហាកូវីដ អាមេរិកបង្កើតភាពជាដៃគូប្រទេសមេគង្គលើកទី ១កិច្ចប្រជុំរដ្ឋមន្ត្រីការបរទេសអាស៊ានលើកទី ៥៣ បានបិទបញ្ចប់កាលពីថ្ងៃទី ១២ ខែកញ្ញាកន្លងទៅនេះ។ ក្នុងកិច្ចប្រជុំប្រមុខការទូអាស៊ាននិងដៃគូនេះ មានបញ្ហាសំខាន់ៗ៣ដែលជារឿងកត់សំគាល់ខ្លាំងជាងគេ។ ទី១ ការគាំទ្រយ៉ាងពេញទំហឹងរបស់ចិនចំពោះអាស៊ានដើម្បីប្រយុទ្ធនឹងកូវីដ១៩។ ទី ២ គឺការបង្កើតភាពជាដៃគូរបស់អាមេរិកនិងតំបន់មេគង្គលើកទី១។ ជាកិច្ចប្រជុំដែលអាមេរិកផ្តល់ទម្ងន់ប៉ុន្តែរដ្ឋមន្ត្រីការបរទេសអាមេរិកអវត្តមានទៅវិញ។ ដោយឡែកបញ្ហាទី៣ គឺជម្លោះរ៉ាំរ៉ៃស្តីពីសមុទ្រចិនខាងត្បូងដែលអាស៊ានស្នើឱ្យមហាអំណាចអាមេរិកនិងចិនបន្ថយភាពតានតឹង។ ដូចនេះភ្ញៀវពិសេសនៃកម្មវិធី AVI Voice របស់យើងនៅសប្តាហ៍នេះ គឺ លោក លឹម ម៉េងហួរ អនុប្រធានមជ្ឈមណ្ឌលមេគង្គសិក្សាយុទ្ធសាស្ត្រដែលជាអ្នកជំនាញកិច្ចការបរទេសនឹងបានតាមដានកិច្ចប្រជុំយ៉ាងជាប់លាប់។ សូមស្តាប់កិច្ចសម្ភាសន៍ដូចតទៅ៖ ដឹកនាំនិងផលិតដោយ៖ ស៊ុន មេសាRead More

ដើម្បីលើកស្ទួយផលិតផលក្នុងស្រុក និងការបង្កើតថ្មីៗកម្មវិធី AVI Voiceសូមណែនាំផលិតផលគ្រឿងក្រអូបមួយដែលមានឈ្មោះថា Herbu ដែលជាផលិតផលនៃក្រុមហ៊ុន Enlina។ បង្កើតក្នុងឆ្នាំ២០១៩ ក្រុមហ៊ុនក្មេងខ្ចីមួយនេះ បាននិងកំពុងផលិតសាប៊ូកកសក់ដែលប្រើរូបធាតុក្នុងស្រុក ខណៈដែលផលិតផលនាំចូលលើគ្រឿងក្រអូបមានភ្លូកទឹកភ្លូកដី។ សហស្ថាបនិកផលិតផល Herbu បានលើកឡើងថា ការផ្តើមផលិតប្រឈមនឹងការលំបាកនេះ ចង់ឲ្យខ្មែរមានផលិតផលខ្លួនឯងព្រោះអីខ្មែរមានវត្ថុធាតុដើមច្រើន។ សូមស្តាប់កិច្ចសម្ភាសន៍ដូចតទៅ៖ វាគ្មិន៖ លោកស្រី ហួនសុខអេន ដឹកនាំនិងផលិតដោយ៖ ស៊ុន មេសាRead More

លោកបណ្ឌិត ឡេង ធារិទ្ធ ប្រធានមជ្ឈមណ្ឌលមេគង្គសិក្សាយុទ្ធសាស្ត្រនៃវិទ្យាស្ថានចក្ខុវិស័យអាស៊ី កាលពីពេលថ្មីកន្លងទៅនេះបានបញ្ចេញបទវិចារណកថាមួយស្តីពីការប្រឈម និងប្រការប្រជែងគ្នាកាន់តែខ្លាំងរបស់មហាអំណាចចិននិងអាមេរិក។ សម្រាប់លោកបណ្ឌិត ការប្រជែងគ្នារវាងមហាអំណាចទាំងពីរកាន់តែស្រួចស្រាល់ដែលអាចឈានដល់កម្រិតពណ៌លឿងដែលជាការព្រួយបារម្ភនិងយកចិត្តទុកដាក់ខ្លាំងជាពិសេសប្រទេសក្នុងតំបន់អាស៊ីអាគ្នេយ៍ រាប់ទាំងកម្ពុជាផង។ ចំពោះមុខនៃការប្រឈមនេះ កម្ពុជាបានប្រឹងប្រែងដើរលើផ្លូវកណ្តាលដែលមានទំនាក់ទំនងល្អជាមួយមហាអំណាចទាំងពីរ ហើយបច្ចុប្បន្ននេះ អាមេរិកនិងចិន បានចាប់ផ្តើមយល់ពីផ្លូវកណ្តាលនៃគោលនយោបាយការបរទេស និងចេតនាពិតរបស់កម្ពុជា។ នេះបើតាមការបញ្ជាក់របស់លោកបណ្ឌិតឡេង ធារិទ្ធ។ សូមស្តាប់កិច្ចសម្ភាសន៍ដូចតទៅ៖ដឹកនាំនិងផលិតដោយ៖ ស៊ុន មេសាRead More

វិទ្យាស្ថានស្រាវជ្រាវរបស់ធនាគារអភិវឌ្ឍន៍អាស៊ី (ADBI) កាលពីពេលថ្មីៗកន្លងបានចេញរបាយការណ៍សិក្សាស្រាវជ្រាវមួយស្តីពីបញ្ហាសហគ្រាសខ្នាតតូចមធ្យម និងវិស័យឧស្សាហកម្មនៅកម្ពុជា។ ដូចនេះភ្ញៀវពិសេសរបស់នៃកម្មវិធី AVI Voice របស់យើង គឺលោក សុខ ខា អ្នកស្រាវជ្រាវនៃវិទ្យាស្ថានចក្ខុវិស័យដែលជាអ្នកនិពន្ធស្រាវជ្រាវមួយរូបក្នុងរបាយការណ៍នេះផងដែរ។បើតាមការបញ្ជាក់ពី លោក សុខ ខា ADBI បានរកឃើញថា សហគ្រាសខ្នាតតូច និងមធ្យមនៅកម្ពុជា មានកាវិវឌ្ឍជាវិជ្ជមានច្រើនទាំងការគាំទ្រហេដ្ឋារចនាសម្ព័ន្ធ និងកំណែទម្រង់ស្ថាប័នរបស់រដ្ឋ ប៉ុន្តែក្នុងនោះលុយក្រោមតុនៅតែជាបញ្ហានៅតែមានដែលមិនទាន់អាចលុបបំបាត់បាននៅឡើយ។ លោកបន្ថែមថា ដើម្បីការរីកចម្រើននៃសហគ្រិន សហគ្រិន ត្រូវប្រឹងប្រែងចាប់យកឱកាសពីអាទិភាពរបស់កម្ពុជាក្នុងតំបន់អាស៊ាន និងតំបន់។ សូមស្តាប់កិច្ចសម្ភាសន៍ដូចតទៅ៖ វាគ្មិន៖  លោក សុខ ខា ដឹកនាំនិងផលិតដោយ៖ ស៊ុន មេសាRead More

អ្នកជំនាញ៖ បដិវដ្តឧស្សាហកម្ម ៤.០  ជាផ្លូវកាត់រ​បស់កម្ពុជាដើម្បីក្លាយជាប្រទេសមានប៉ុន្តែត្រូវវិនិយោគច្រើន រាជរដ្ឋាភិបាលកម្ពុជា បានដាក់ទិសដៅដើម្បីក្លាយជាប្រទេសដែលមានចំណូលមធ្យមកម្រិតខ្ពស់នៅ ១០ ឆ្នាំខាងមុខ និងក្លាយជាប្រទេសអ្នកមានតែម្តងនៅឆ្នាំ​ ២០៣០ ហើយកម្ពុជា កំពុងធ្វើប្រព្រឹត្តិកម្មសេដ្ឋកិច្ចរបស់ខ្លួនទៅជាសេដ្ឋកិច្ចបច្ចេកវិទ្យា។ ទន្ទឹមនឹងនេះ បណ្ឌិត ឆេង គឹមឡុង អនុប្រធានវិទ្យាស្ថានចក្ខុវិស័យអាស៊ី បានលើកឡើងថា ការចាប់យកបដិវដ្តឧស្សាហកម្ម ៤.០ គឺជាផ្លូវកាត់របស់កម្ពុជា ប៉ុន្តែកម្ពុជាត្រូវការការវិនិយោគច្រើនទាំងរដ្ឋដែលត្រូវតែក្លាយជារដ្ឋាភិបាលបច្ចេកវិទ្យា E-Government ហើយពលរដ្ឋក៏ត្រូវតែក្លាយជាពលរដ្ឋបច្ចេកវិទ្យាផងដែរ។ លោកបណ្ឌិត​បានមើលឃើញដែរថាកម្ពុជានៅខ្វះហេដ្ឋារចនាសម្ព័ន្ធច្រើននៅឡើយដែលទាមទារការវិនិយោគ៕ សូមស្តាប់កិច្ចសម្ភាសន៍ដូចតទៅ៖ វាគ្មិន៖ បណ្ឌិត ឆេង គឹមឡុង គឺជាអនុប្រធានទី២នៃវិទ្យាស្ថានចក្ខុវិស័យអាស៊ី និងជាប្រធានមជ្ឈមណ្ឌលនវានុវត្តន៍និងប្រជាធិបតេយ្យនៃអភិបាលកិច្ច ដឹកនាំនិងផលិតដោយ៖ ស៊ុន មេសាRead More

១. ការអត្ថាធិប្បាយ៖ AVI ចេញទស្សនាវដ្ដីលេខទី២ ស្តីពីការអភិវឌ្ឍន៍ដោយចីរភាពនៅតំបន់មេគង្គ២. បទសម្ភាសន៍៖ អ្នកជំនាញមិនមានសុទ្ធិដ្ឋិនិយមចំពោះការសម្រេចគោលដៅប្រកបដោយចីរភាពរបស់ប្រទេសតំបន់មេគង្គក្នុងរយៈពេល១០ឆ្នាំទៀតភ្ញៀវពិសេស៖ លោកបណ្ឌិត ងួន គឹមលី នាយកស្រាវជ្រាវនៃវិទ្យាស្ថានចក្ខុវិស័យអាស៊ីដឹកនាំនិងផលិតដោយ៖ ស៊ុន មេសាRead More

ប្រធានបទ៖ ១. បទវិចារណកថាស្តីពី ការងារ៦ចំណុចដែលអាស៊ានគួរធ្វើដើម្បីឆ្លើយតបទៅនឹងការរីករាលដាលនៃជំងឺកូវីដ ២. បទសម្ភាសន៍៖ អ្នកជំនាញថា ក្រោយកូវីដ ចិននឹងផ្តោតលើការពង្រឹងគុណភាព និងកាន់តែផ្តល់សន្ទុះបន្ថែមដល់គម្រោង BRI ភ្ញៀវពិសេស ៖ លោក សុខខា អ្នកសិក្សាស្រាវជ្រាវនៃវិទ្យាស្ថានចក្ខុវិស័យអាស៊ី អ្នកដឹកនាំកម្មវិធីនិងសម្របសម្រួល៖ ស៊ុន មេសាRead More