រដ្ឋមន្ត្រីការបរទេសចិន លោក វ៉ាង យី នឹងធ្វើទស្សនកិច្ចផ្លូវការទៅកាន់ប្រទេសចំនួន៥នៃសមាជិកអាស៊ាន រួមមាន កម្ពុជា ម៉ាឡេស៊ី ឡាវ ថៃ និងសិង្ហបុរី ចាប់ពីថ្ងៃទី១១ដល់ថ្ងៃទី១៥ខែតុលាខាងមុខ។ នេះបើតាមការប្រកាសរបស់អ្នកនាំពាក្យក្រសួងការបរទេសចិននៅថ្ងៃសុក្រនេះ។ លោក បណ្ឌិត ឈាង វណ្ណារិទ្ធ នាយកនៃវិទ្យាស្ថានចក្ខុវិស័យអាស៊ី (AVI) ថ្លែងថា ទស្សនកិច្ចរបស់លោក វ៉ាង យី អំឡុងពេលនេះ គឺដើម្បីពង្រឹងទំនាក់ទំនងបន្ថែមរវាងចិន និងប្រទេសក្នុងតំបន់អាស៊ាន។ ដោយឡែកសម្រាប់កម្ពុជា ទស្សនកិច្ចរបស់ប្រមុខការទូតចិន នឹងជាឱកាសមួយដ៏ល្អ ដែលនឹងអាចនិយាយពីទំនាក់ទំនងទ្វេភាគី បញ្ហាកូវីដ១៩ កិច្ចព្រមព្រៀងពាណិជ្ជកម្មសេរីកម្ពុជា-ចិន ការវិនិយោគរបស់ចិននៅកម្ពុជា និងរបៀបវារៈសំខាន់ៗមួយចំនួនទៀត។
Full article available : https://www.rfi.fr/km
