Telephone
(+855) 99841445/ 99 929 323
Email
admin@asianvision.org
Address
#24 Street 566, Boeung Kok 2, Toul Kork, Phnom Penh.

គ្រោះថ្នាក់​នៃ​ការបែងចែក​សណ្ដាប់ធ្នាប់​ពិភពលោក​ជា​ ២ ​រវាង​អាមេរិក​ និង​ចិន

ជំនួប​រវាង​រដ្ឋមន្ត្រី​ការបរទេស​អាមេរិក និង​ចិន​នៅ​អាឡាស្កា​បាន​ក្លាយ​ជា​ឈុត​ឆាក​មួយ​នៃ​ការឈាន​ទៅ​រក​ការបែងចែក​សណ្តាប់ធ្នាប់​ពិភពលោក​ជា​ ២​។ មាន​ការព្រួយបារម្ភ​តាម​កម្រិត​ផ្សេងៗ​គ្នា​ថា ភាពតានតឹង​ទាំងនេះ​អាច​កែប្រែ​ទំនាក់ទំនង​ពី​ការប្រកួតប្រជែង​ទៅជា​ទំនាក់ទំនង​គូបដិបក្ខ ឬ​ឈាន​ទៅ​ដល់​កម្រិត​សង្គ្រាម​នៅក្នុង​ទម្រង់ ឬ​សមរភូមិ​ផ្សេង​។

នៅពេល​ដែល​ចិន​បាន​ប្រកាស​ពី​ការបន្ធូរបន្ថយ​លក្ខខណ្ឌ​សម្រាប់​ភ្ញៀវ​បរទេស​​ដែល​បាន​ចាក់​វ៉ាក់សាំង​ចិន ចំណោទ​នឹង​លេចឡើង​ថា​ប្រសិន​បើ​ប្រទេស​ផ្សេងៗ​មាន​ការកំណត់​លក្ខខណ្ឌ​ខុសគ្នា​សម្រាប់​ប្រភេទ​វ៉ាក់សាំង​ផ្សេងៗ​តើ​ការបំផ្លាស់ទី​របស់​មនុស្ស​សេរីភាព​នៃ​ជម្រើស​វេជ្ជសាស្ត្រ​ទំនាក់ទំនង​ធុរកិច្ច​ ឬ​ក៏​សញ្ជាតិ​របស់​អ្នកដំណើរ​នីមួយៗ​អាច​នឹង​ទទួល​រង​ផលប៉ះពាល់​អ្វីខ្លះ​ពី​ការដាក់​កម្រិត​លក្ខខណ្ឌ​បែបនេះ​? ​ការរើសអើង​ជាតិ​សាសន៍​​ និង​ឧក្រិដ្ឋកម្ម​ប្រឆាំង​ជនជាតិ​អាស៊ី​ដែល​កំពុង​កើតឡើង​នៅ​អាមេរិក​វា​បាន​បង្កក្តី​បារម្ភ និង​រំខាន​យ៉ាងខ្លាំង​រួចទៅហើយ​។

ផលប៉ះពាល់​ខ្លះ​មាន​តាំងពី​មុន​ហ្នឹង​ទៅទៀត ជាពិសេស​ទាក់ទង​នឹង​សង្គ្រាម​ពាណិជ្ជកម្ម និង​បច្ចេកវិទ្យា​។

នៅក្នុង​វិស័យ​ទាំងនេះ​ការបែងចែក​ពិភពលោក​ជា​ ២ ​រវាង​អាមេរិក និង​ចិន បាន​បង្កើត​ឱ្យ​មាន​ភាពស្មុគស្មាញ​យ៉ាងខ្លាំង​សម្រាប់​ជម្រើស​សេដ្ឋកិច្ច និង​ទីផ្សារ​ដោយ​យក​លេស​មនោគមន៍​វិជ្ជា​មក​បិទបាំង​ហើយ​ជាក់ស្តែង​ចោទប្រកាន់​គ្នា​ទៅវិញ​ទៅ​​មក​ឥតឈប់ឈរ​អំពី​ភាពអន់កម្សោយ​នៃ​បច្ចេកទេស និង​បច្ចេកវិទ្យា​របស់​គូបដិបក្ខ ការលួច​បច្ចេកវិទ្យា ការជំរុញ​ការប្រកួតប្រជែង​មិន​ស្មើភាព និង​ការគាំពារ​និយម​ជាដើម​។

Full article available: https://www.postkhmer.com/វិភាគសង្គម/គ្រោះថ្នាក់នៃការបែងចែកសណ្ដាប់ធ្នាប់ពិភពលោកជា-២-រវាងអាមេរិក-និងចិន

Leave a Reply

This site is protected by reCAPTCHA and the Google Privacy Policy and Terms of Service apply.

X