ក្នុងកិច្ចប្រជុំរដ្ឋមន្ត្រីការបរទេសអាស៊ានលើកទី៥៣ អាមេរិកនិងប្រទេសក្នុងតំបន់មេគង្គ បានដំឡើងកម្រិតគំនិតផ្តួចផ្តើមទន្លមេគង្គក្រោម ទៅជាកិច្ចសហប្រតិបត្តិការមេគង្គ-អាមេរិក ដើម្បីពង្រឹភាពជាដៃគូរវាងភាគីទាំងពីរ។ អ្នកជំនាញភូមិសាស្ត្រនយោបាយក្នុងតំបន់អាស៊ាន ក៏ដូចជាកម្ពុជា បានសាទរចំពោះការដំឡើងកម្រិតទំនាក់ទំនងនេះ ប៉ុន្តែបានវាយតម្លៃថាអាមេរិកបានដើរក្រឡាអុកយឺតពេលបន្តិច ហើយទម្ងន់នៃកិច្ចសហប្រតិបត្តិការក៏ស្រាលដែរ បើប្រៀបធៀបនឹងចិន ឬ ជប៉ុន។ អ្នកជំនាញមួយចំនួន បានអះអាងថា បើអាមេរិកមានចេតនាចង់បង្កើតកិច្ចសហការពិតប្រាកដមែននោះ នឹងនាំឱ្យតំបន់មេគង្គមានភាពរីកចម្រើននិងការអភិវឌ្ឍ ប៉ុន្តែបើកិច្ចសហការនេះគឺជាយុទ្ធសាស្ត្រក្តាអុកដើម្បីឡោមព័ន្ធចិន និងចង់បន្ថយឥទ្ធិពលចិនវិញនោះ នឹងអាចនាំអាសន្នដល់តំបន់ទៅវិញទេ។ សូមស្តាប់កិច្ចសម្ភាសន៍រវាង ស៊ុន មេសា និង បណ្ឌិត ជឺនបូរាណ ច័ន្ទបូរី ដែលជាអ្នកជំនាញភូមិសាស្ត្រនយោបាយ និងជាទីប្រឹក្សានៃវិទ្យាស្ថានចក្ខុវិស័យអាស៊ី៖
ដឹកនាំផលិតនិងផលិត៖ ស៊ុន មេសា
