[English Below] កាលពីថ្ងៃពុធ ទី៩ ខែតុលា ឆ្នាំ២០២៤ វិទ្យាស្ថានចក្ខុវិស័យអាស៊ី (AVI) បានរៀបចំសម្ពោធសៀវភៅជាផ្លូវការស្ដីពី «កិច្ចសហប្រតិបត្តិការមេគង្គ-ឡានឆាង៖ ការឆ្ពោះទៅរកសន្តិភាព និងវិបុលភាព» ដែលជាការបញ្ចប់នៃគម្រោងនាវាសន្តិភាពមេគង្គ–ឡានឆាង (MLPB)។ ព្រឹត្តិការណ៍នេះ ជាការបិទបញ្ចប់ដោយជោគជ័យកម្មវិធីសំខាន់ទាំងពីររបស់គម្រោងពោលគឺកម្មវិធីបណ្ដុះបណ្ដាលរយៈពេលពេញមួយសម្ដាហ៍លើនាវាទេសចរណ៍​តាមដងទន្លេងមេគង្គនៅកម្ពុជាសម្រាប់សមាជិកមកពីប្រទេសមេគង្គ-ឡានឆាង និងការបោះពុម្ពនៃសៀវភៅស្រាវជ្រាវតម្រង់ទិសគោលនយោបាយ ក្រោមការឧបត្ថម្ភពីមូលនិធិពិសេសនៃកិច្ចសហប្រតិបត្តិការមេគង្គ-ឡានឆាង ឆ្នាំ២០២២។ ឯកឧត្ដមបណ្ឌិតសភាចារ្យ សុក ស៊ីផាន់ណា ទេសរដ្ឋមន្ត្រីទទួលបន្ទុកបេសកកម្មពិសេស និងជាប្រធានកិត្តិយសនៃវិទ្យាស្ថានចក្ខុវិស័យអាស៊ី ឯកឧត្ដម មាស គឹមហេង រដ្ឋលេខាធិការទទួលបន្ទុកកិច្ចសហប្រតិបត្តិការមេគង្គ-ឡានឆាង នៃក្រសួងការបរទេស និងសហប្រតិបត្តិការអន្តរជាតិ ឯកឧត្ដម WANG Wenbin ឯកអគ្គរដ្ឋទូតវិសាមញ្ញ និងពេញសមត្ថភាពនៃសាធារណរដ្ឋប្រជាមានិតចិន ប្រចាំនៅព្រះរាជាណាចក្រកម្ពុជា និង លោកបណ្ឌិត ឆេង គីមឡុង ប្រធានវិទ្យាស្ថានចក្ខុវិស័យអាស៊ី និងជានាយកគម្រោងនាវាសន្តិភាពមេគង្គ-ឡានឆាង បានចូលរួមជាកិត្តិយសក្នុងកម្មវិធីបើក។ កម្មវិធីនេះក៏មានការអញ្ជើញចូលរួមពីភ្ញៀវកិត្តិយសចំនួនប្រមាណ៩០រូបដែលមកពីវិស័យផ្សេងៗដូចជារដ្ឋាភិបាល តំណាងស្ថានទូត សមាជិកស្ថាប័ន ស្រាវជ្រាវ និងនិស្សិតសាកលវិទ្យាល័យ។ សៀវភៅដែលសម្ពោធថ្មីនេះ ដើរតួជាផែនទីបង្ហាញផ្លូវសម្រាប់ការអភិវឌ្ឍក្នុងតំបន់ ដោយបានផ្ដល់នូវអនុសាសន៍ស្ដីពីការដោះស្រាយបញ្ហាប្រឈម ដែលកំពុងបន្តកើតមាន និងតម្រូវការអភិវឌ្ឍន៍នៃបណ្ដាប្រទេសមេគង្គ-ឡានឆាង។ គ្របដណ្ដប់លើប្រធានបទសំខាន់ៗដូចជា អភិបាលកិច្ចទឹក...Read More